Margþráð og langþráð

Jólafríið er hafið

Ég var í málsvörn í dag, eins og við var að búast svaf ég lítið sem ekkert í nótt, var á nálum í allan dag og var nærri farin yfir um í vörninni.  Þetta gekk samt allt vonum framar.  Reyndar gekk alveg rosalega vel, það voru heitar umræður, gestir í sal voru margir og voru þeir mjög virkir í umræðunum.  Við fengum marga kosti og tvo galla sem voru að inngangskaflar voru helst til of langir, og hinir bitastæðu kaflar of stuttir.   Kennarinn hrósaði okkur samt fyrir skemmtilegt verkefni, skemmtilega málsvörn og sagði að við hefðum gert þetta vel.

Jólafríið mitt er sem sagt byrjað, ég er búin að standa á haus í dag við að þrífa og taka skápa og annað í gegn.  Næsta skref er að fara að skreyta og svo ætla ég að leyfa mér að slaka á og gera sem minnst hehe!

Hafið það gott og verið góð hvert við annað!

Dísa Jólastelpa

Hér er snilli, um snilla, frá snilla, til snillings

Ég get svo svarið það að það mætti halda að ég væri snillingur! Ég náði  semsagt öllum prófunum- meira að segja siðfræðinni.  Ég er ekkert smá ánægð!

Ég ætla ekki að læra undir nein próf um jólin!! 

Í kvöld ætla ég að hvíla mig, á morgun ætlum við stelpurnar í missóinu að hittast og elda saman og drekka léttvín, á miðvikudag er svo undirbúningur fyrir viðveru og svo undirbúningur undir málsvörn sem er á föstudag.  Á föstudag er ég komin í jólafrí og ég ætla að gera sem allra minnst, bara hvíla mig og hlaða batteríin.  Það verður kærkomin tími þegar að honum kemur.

Hafið það gott kæru bloggvinir!

Dísan

Tilkynning!

Misserishópur J er að prenta út misserisskýrslu sína- og að drekka hvítvín........Öfundspóstar vinsamlegast afþakkaðir Liggaliggalái!!!

Misseriskýrslu okkar er loks lokið, maður þarf að rífa sig á fætur snemma í fyrramáli til að mæta á skrifstofuna og skila henni formlega, einkunnir afhentar um leið.

Ég er ánægð með afrakstur hópsins!

Ekki laust við að maður sé með kvíðahnút í maganum!  Ég er nokkuð viss um að þurfa að taka upp tvö próf- kemur í ljós í fyrramálið.  Ætla sko að henda mér í bælið núna og fá 4 tíma svefn.

Dísa

ÁTS!

Mínum er illt í hjartanu sínu og sálinni! Þarf smá tíma til að týna upp brotin og sleikja sárin mín!

Já sæll

Allt í klúðri með missó- vonandi samt að fæðast hjá okkur- ekki seinna að vænna svona á 4 degi

SHIT!!!

Heimsferðir voru að hafa samband- myndavélin mín verður send frá Kúbu í dag  Kannski fæ ég hana fyrir jól og get farið að skoða myndirnar og allar fallegu minningarnar.  Ég ætla sko að halda myndakvöld þegar ég fæ hana í hendurnar með snakki, gosi -, koppum og öllu tilheyrandi hehe!

Nóg í bili- verð að halda áfram að skrifa Missó - ó mæ god

Kveðja

Dísan í Missói

Ég sver það.....

Ég er að fá prófvikuna í bakið núna- ég er svo þreytt að ég get varla talað.  Er að vinna, það er ekkert að gera - ekkert.  Veit ekki hvort að ég sé ánægð með það eða ekki.  Það er erfitt að halda sér vakandi þegar maður er bara að lufsast eitthvað en er samt ekki viss um að ég mundi nenna neinu ef það væri eitthvað að gera hehe.  Samt búin að gera helling- þrífa öll klósett, skúra alla salina og svona sitthvað.  Ég er alveg tóm.  Vona að dagurinn verði skotfljótur að líða svo ég geti skriðið í bæli!!

Missó á morgun- er samt ekki að nenna því

sybbnar kveðjur

Dísan

Loksins...

Eru prófin búin - ég var sem sagt í síðasta prófinu í morgun og það gekk bara þolanlega vona ég.  Ég ætla að skríða upp í rúm núna og sofa í nokkra klukkutíma- í kvöld ætla ég svo að gera AKKÚRAT EKKI NEITT  og njóta þess.  Ég er búin að sofa svona alls 8 klukkutíma alla vikuna.  Ég fer svo að vinna á morgun og sunnudag.  Gott helgarplan!

Hafið það gott og góða helgi

Mér gekk....

Bara mjög vel í morgun í munnlega prófinu í vinnurétti- svei mér ef ég er ekki að sjóast í þessu bara!!  Ég fékk að vísu þessa einu spurningu sem ég vildi ekki fá - Áhrif alþjóðasáttmála á innlendan vinnurétt!!  Ég svaraði eftir bestu getu og fékk tvær spurningar í kjölfarið og hviss - bang - bú- allt bú.

Ég er í skriflegu eigna- og veðréttarprófi á morgun kl 08:30- vona að það gangi vel.  Ég ætla að læra til svona 2 og fara á fætur kl 5 eins og ég gerði í morgun.  Er búin að vera að læra í tæpa 19 tíma.  Doltið þreytt- en þetta er að klárast

Eigið góða nótt

Dísa í lærikasti

Ég var grilluð í dag.....

í munnlega prófinu í siðfræði - Jesús!!

Mér gekk sem sagt - vægast sagt- hörmulega.  Ég ætla ekki að fara í upptöku í janúar- ég ætla að sleppa þessu fagi alveg- enda var þetta bara val til að fá full námslán- LÍN má bara eiga þessi 25% sem ég átti að fá fyrir þetta.  Ég læt ekki bjóða mér þetta leiðindarugl sem mér finnst siðfræðin vera.  Og hana nú sagði hænan um leið og hún lagðist á bakið!

Munnlegt próf í vinnurétti á morgun kl 10:20- vona að það gangi betur en hin tvö á undan.

Óska eftir styrk OG MIKLUM GÁFUM á milli kl 10 og 11 í fyrramálið ef einhver vill vera svo vænn

Í nótt þegar ég skreið í ból kl 3 þá mundi ég ekkert- ekki einu sinni kennitöluna mína- ætlaði aldrei að þora að sofna því ég var viss um að ég mundi vakna sem ein af þeim sem lærðu yfir sig!  Shit hvað ég var hrædd.  Hringdi í vinnuna áðan og fékk leyfi til að vinna bara laugardag og sunnudag- get þá hvílt mig á föstudagseftirmiðdaginn

Knúsur á línuna

Dísan

 

Prófið í dag

Fyrsta prófinu er lokið- Ég veit ekki hvernig mér gekk?? ég reyndi þó mitt besta og meira get ég ekki gert.  Þetta var próf í fjármálastjórnun- síðasti viðskiptaáfanginn minn í náminu og ég bið til guðs að ég hafi náð.  Viðskiptafögin eru ekki í uppáhaldi hjá mér- því miður.

Á morgun er það munnlega prófið í helv.... siðfræðinni- ég skal sko massa þetta próf og ná því - svo ég þurfi ALDREI að koma nálægt slíku aftur - meira ruglið það (ekki minn tebolli).

Fimmtudagur- munnlegt próf í Vinnurétti og á föstudag er það skriflegt 4 tíma próf í eigna- og veðrétti.

Ég óska hér með eftir styrk og gáfum svo ég nái öllum prófum!

Dísan með prófskrekkinn